حيف بغداد نامت على الكــــــــاع ام المضايف والفنجان والدلــــــه
ظلت حافيه الجدم تنشد النـــــاس انـباك منها الضــــــــــعن كــــــله
تدك باب الغرب للعـــــــــــــــــوز تــريد كطرت ماي حــــــلكها تبله
العراق مبين براسه الشـــــــيب حــمــــــــل حملــــــين فوك حمله
ظهره مايحمل هالـــــــــــــوزان الوكــت بوسط ظهره سجينته خله
بقت تسل الراح والــــــــــــــراد لا واحـــد بــيكم يرد للعوج عدلــه
تصيح بعلو هالصـــــــــــــــــوت يـــا هــلي دخــيلكم صابتني علـه
لا طبيب الوصف حالــــــــــــتي لاحــــالتي مــــــرت على ملـــــــه
وين اهل الشمال البيهم الزود ويــــن ابن الجنوب المازغر عقله
بغداد تنشديني على حال العيال ماتكابلهم ابوالفرح وبوجوهم يهله
تساليني اعله حال العــــــــيال مـــــــــــاتدرين الفشك يطك بالحله
لو بالرمادي الظهر مكــــسور لــــــــــــــو بتكريت الي بترو رجله
بغداد اهتكو بينه الاعــــراض انزعو انكــــــــــاب وجه بتج الشعله
شخبرج يماي العيــــــــــــون ويـــــــــــــــــــــــن ابو العيال وكــله
بغداد زفو الولد على اختـــه شـــــــــــــــــــكلج زفو الفرات بدجله
الحال متعوب بينه الحـــــــال بوكت الصــــــــدج كام ينحسب زله
بغداد ارد اخبرج بشــــــــــي ترى وكت الظلــــــــم بعده ما وله
ليش وين الحك ابو النوماس مـــــــــــــــابيكم واحد شريف اليدله
الأحد أكتوبر 07, 2007 6:17 pm