تخط بخدودهــــــــم كلمة (( خطيه ))
وأمس شفتك حمامه ابصحن الايمام
مثل بوسه اعله خد حامـــي الحميه
ينحر حسين ذاك الشال الأســـــلام
وكتب بالدم نصر أعظم قضـــيــــه
يعيون الكَــمر من صارن اخيــــــام
ولمن كل جــــــــــــــراح الغاضريه
ابسجل الشرف اسمك بصمة ابهـــام
غصبن عاليريــــــــــد الطائـــفـــيه
يعملاق الدول وأعدائك أقـــــــزام
ولو ما قارن حسيـــــــــــــن بأميه
عيونك من يجيك الليل متنــــــــــام
تتفكَـــــــــد اولادك كل مســـــــيه
وتجيهم ورده بيضه ابدنيا الأحــلام
ابعطر فواح وابغصنــــــــك شظيه
خارطتك فلا تحتاج رســـــــــــــام
وشعبك أبد ما عايز هويــــــــــــه
هذني امن اختصرهن أكتــــب الآم
وارسم جمجمه ابصـــــــــف بندقيه
عذرا ًما قصدتك موطـــــــن إجرام
عاين عالوكت تعــــــــــرف اشبيه
الإجوني وحرروا طيحولي الأصنام
بس فتحوا علي ّبـــــــــــاب المنيه
وعلي ّصعدوا بشر جانولي خدام
ترضه العرب تتصــــــــــــدق عليه
هسه أحتاج وكَـــفه وشدة إحزام
ما ريد الحلول الفوضـــــــــــــويه
تظل كلماتي طلقه وساحب اقسام
وصواريخ ودروع ومــــــدفـــعــيه
اشوكت يا وطن نفرح ننســه الالآم
يمر بينه الفرح لو مالـــــــه جيه ؟؟؟
منقووووووووووووووووووول
الثلاثاء أكتوبر 23, 2007 12:06 am