حسبهه صحيح وزين من تحتاج
مو ياهو اليقدرك لمن اتكله
اكو ناس ابكرم تنطيك تملي ايديك
واكو ينطيك كوه ايحسسك ذله
انصحك يامحب مو كل حلو ينكال
المر نوبات بشفافك طعم احله
لتكثر كلام الحجي بس السان
اذا تسكت عدوك صمتك ايسله
اذا توعد توافي وحتى لو عالموت
واذا تزعل جبل من زعلك اتشله
لا تفضح اهمومك كابر اعله الناس
وراسك دوم عالي وبالك اتنزله
خل نفسك عزيزة وغيرتك بركان
ولشفته خبيث ابعشرتك حله
قرب ناس طيبه ومن تحب بخلاص
واعشك من صدك واهوى الهوه كله
ضحي شكد متكدر لليحبك دوم
بس اعرف طريقه ومنبعه واصله
جربه وزعلة ورضي وشوفه اشلون
كل حلوك ومرك بالهوى يقبله
قربه اكثر الك وازرعك بكلبك زين
خلي كل مكان بداخلك شتله
وسكي من حنانك من وفاء البيك
واذا بي اي نقص لتحسسه وكمله
ورسمله الحياة اشموع بيهه الخير
واجمل ما يحب ويعشك ارسمله
وعلمه الضيف هو البيت والديوان
هوه الكهوه والفنجان والدله
وعلمة البيت الي ما يجي خطار
يروح الخير منه وحزن اليكتله
الثلاثاء أكتوبر 23, 2007 5:43 pm
