السلام عليكم
اخوان هذة قصيدة للشاعر مالك الحزين بعنوان .. ميلو بينة ...
ميلو بينا
ميلو بينا يلي شلتو النعش بالله ميلو بينا
ميلو بينا
نودع اهلنا وعادة اليرحل يودع اهله بدموعه ومن صورهم يمله عينه
ميلو بينا
الشوك هزنه لحظن امنه ذيج الحنينه
جلمه منهه وجلمه منه حيل مشتاكين وشتاكت حجينه
ميلو بينا
العند امنه وبس نوادعهها بــ بجينه
ميلو بينا
وشدعواكم ولو نظره ولو لمسه نحني بيها جفوف ادينه
ونتواهب خاف زعلانه علينه
ميلو بينا
وعالمكان البيه ربينا البيت اهلنا
ميلو بينا
نودع ايامه وسنينه
ميلوبينا
لحي حبيبتنا الحزينه بلجي بوسه صغيره منها
بلجي لوشفناها مره ارواحنه ترجع علينه
ميلو بينا
وعلى بريم هناك عدنا عتاب يمها هناك يايمه ارتمينا
هناك ذلهها لما حمانا وخان بينا
طال الفراك يمه هناك ضيعنا خوينا
وينك شو ما بينت وينه شو مامر علينه مودع ودربك درب السلامه
بس اخاف الذيب يوكع بيد شافي ويظل رهينه
ميلوبينا
وخاف يخلص هالنهار وهذي اخر ليله هينه
ولولا بيها النوب ليله ماحجينا ومابجينا وما ندهناكم يولو
ميلوبينا
ميلو بينا وعالجسر وكفونا لحظه جنه هينه صغار نلعب عالجرف يحظنّا طينه
وفرفرونا بهالحويجه وعالمنازل دار دار وكولو لتراب الحويجه يون علينا
واحجو قصتنا لولدكم واحجو حظكم
وكولو اللاجيال ماخنا و فينا
وكولو للأجيال ماخنا وفينا